ROHR

Hallo zäme!

Nach jahrzente langer forschigsarbet und schier unmässbarer erfahrigssammlig möcht ich eu a däre stell mal en chline zwüschestand gäh, was ich bis anhin so alles für bahnbrächendi und absolut rekordverdächtig phenomenali erkänntnis gwunne han i minere intensive und exorbitant wichtige forschigsphase rund um bügsami, stuchbari udn sugfeschti rohr wo vo totalitär essentieller wichtigkeit sidn für dä ungstört riibigslosi ablauf vo eusem zwifelsohne einzigartig geniale innoprojekt maschineli. (wer freud hät a kommasetzig und gross-chli schriibig muess ich leider enttüsche mini kommataschte chlämt und mini shift taschte isch verschwunde... mysteriös! ich han aber bereits a galileo mistery gschriibe und sie sind grad am abkläre wer dehinder steckt, im verdacht sind tämpler, illuminate, freimurer, E.T., s fbi, mcdonalds, nordkorea, qualabäre und d wahlhälfer vom obama... evtl. findet mer im bibelcode wiiteri anhaltspünkt dezue...)

Uf all fäll han ich e röhre bastlet wo innedra ä drahtspuele isch und drum ume material. Ich han unterdesse usprobiert d spuele verschiede zs wickle. sie muess nöd so näch gwicklet si, was ansich sehr positiv isch. zudem muess sie aunöd unmänschlich viel meh durchmässer ha als 40mm damit d bölle duregönd. als spuele han ich elektrodraht us kupfer gnoh mit ere isloierig. dä hät sich räch bewährt will er relativ formfescht isch, guet fäderet und au wänn mer en scho mehrmals verboge udn verformt hät die eigeschafte nöd verlürt!
bügeradie bringt mer so ziemlich gueti anne! d bölle gönd dänn au guet dire SOFERN!!!! sie atribe werded, also zum bsipiel eifach vo dä erdaziehig.... suscht verhackets sich zwüsched dä einzelne drahtwicklige... es brucht aber nöd viel, das dete wieder usegönd. insofern bin ich diesbezgl. rächt überrascht gsi, ich het erwartet, dass das dütlich meh problem git.

sorge macht mer da eher s material rundume. als erschts han ich so creppapier rund ume dah (ägstra im coop kauft, gäbts sogar mit leoparde und zebramuschter!!!!!!!!!!) leider hät das die dummi eigeschaf, dass es wie e art inneri struktur hät wo macht, dass es sich immer extrem suboptimal verbügt. d.h. d bölle verchlämed sich bi änge kurve... zudem ischs röächt müehsam zum verarbeite. ich wür also vo allem chli papierigem eher weggah!

als logischi konsequänz devo han ich mini sunebrülle agleit und dä ganz morge nuna uf dä name Lt. Horatio Caine glosed und mir won’t get fooled again vo the who innezoge. Dänn han ich mich aschlüssend total CSI-mässig gfühl und drum en plastiksack seziert und däm sini bestandteili rundume montiert... mit totalem ERFOLG!!!!!!! das gaht super und mer chan sehr ängi kurveradie mache. (wo d bölle auna duregönd)
insofern isch dä erschti tescht total erfolgrich gsi... dademit häts sich dänn aber scho wieder gha. Wänn mer d röhre zämedruckt (damit sie chürzer wird) dänn verwurschtlet dä plastik total und es past nöd mal meh annähernd en pingpong böle durre. aaaaaber ich han natürlich sofort e alternativlösig parat gha! da dä plastik so gueti bügeigeschafte hät (gaht wükli liecht und guet zum büge) chönt mer en ja i dä startzone "ufrolle" udn dänn abwickle.... also bini mit däre total clevere hintergrudn idee zum suger gloffe hans rorh dete montiert udn chli pedal to the metal gäh dasch alles superdicht gsi (obwohl d dichtig eifachs packetchläbband gsi isch...) s dumme isch eifach es macht *flups* udn scho isch dä palstik zämezoge udn es sich schluss mit bölleli suge... also keis problem für mich, meh drahtwicklige gmacht... bringt insofern kein vorteil, als dass dä suger dänn (ja mer glaubts chum) dä draht komprimiert und vorne glich dä plastik zämezieht. also nameh wiklige gmacht udn dä palstik am drah besser festgmacht... klappt super, bloss dänn ischs eigentlich es unbügbarsrohr also das was mer au eifach im lade chan chaufe und somit absolut nutzlos für euses vorhabe.

ich plane jetzt dänn na tescht mit alufolie statt plastik i dä hoffnig die segi evtl. chli stabiler, aber ich bin nöd grad sonderlich optimistisch. (bsunders will ich grad nume so 0815 prix garantie alufolie zur hand ha wo mega dünn sich)
Falls das aunöd klapped dänk ich muess en andere grudnasatz häre vo dä konstruktion her. eine wo klar verhinderet, dass sich dä plastik chan zämezieh. ich ha dänkt evtl. das mer einzelni rorhstuck nimmt und die eifach mit es paar weniger glänkt verbindet... isch aber nume e idee

apéro pro idee.. ich han mal na e nobälprisverdächtigi idee gha... es git für warmwasserrohr (wo na oft so um die 40mm durchmässer händ) so fixfertigi schumgummiisolatione damits kei temperaturverluscht händ.. ich han dänk so eien chönt mer evtl. aunäd will die wonöd us styropor sind, sind us so schumstoff. ich bi drum mal in baumarkt goge luege und die händ sätig gha, s dumme isch eifach trotzdems schumstoff isch, ischs härter als s brot woni hüt zum zmorge gha han. evtl. gits igendwo spezielli wo glich weicher sind für um kurve? ich han kei gfudne, aber wasserleitige mached ja ab und zue aumal kurve au wänns eigentlich immer rächt ängi 90° winkel sind... ich ha uf all fäll kei gfunde und dänn aber aunüme grösser gsuecht.

sowiit mal mini erkänntnis.

gruess msichel ah nei momänt mischel

zu der plastiksack-fragment theorie.. wie wärs mit verschiedene zonene, gwüssi mit viel wicklige wo nöd so bügbar sin, defür aber dehnbar, denn dertigi wo zwor nöd so dehnbar sind, sprich en recht straffe plastik, aber defür eher bügbar dank weniger wicklige? hesch versuechte falte is ganze drizbügle? ^^ i frog am wuchenend mol de kolleg wege gschicktem stoff i glaube das wür sich scho eher bewähre als plastik. aber i glaube d asätz sind umenand. schlüssendlich muess da ding eh nöd extrem bügbar si, me chön jo au no glenker a de befestigung baschtle. so en minimale radius sötts shco herebringe.
uf jede fall tönts noch gueter arbet^^

aloha!

tönt sehr guet.
ha dänkt, dassi morn no bimne sanitär ga verbiluege u frage, öb er evtl öppis passends hätt.
wie lang muess das rohr eigentlech ungfähr si?
chönnt süch o so für drachestoff luege, aber das müessti morn odr am samschtig im ämmitau bsorge!